Live Show Guidelines for Zoop Sellers

Ek successful live show ke liye kuch basic guidelines follow karna bahut zaroori hai – taaki aapka show professional lage, smoothly chale, aur buyers ko trust ho.

Is blog mein hum aapke liye lekar aaye hain top Zoop Live Show guidelines jo har seller ko follow karni chahiye

1. Update Your App

Make sure ki aap ki Zoop Partner app updated hai. App Store ya Play Store pe check karein ki aap ke paas app ka latest version hai. Naye features, bug fixes aur performance improvements ke liye app ka updated hona zaroori hai.

2. Check Connected Devices

Agar aap earphones ya microphone ka upyog kar rahe ho toh check karein ki vo achhe se connected hai.

3. Turn Off Bluetooth If Not Needed

Agar aap Bluetooth earphones ya mic ka use nahi kar rahe ho, toh phone ki settings mein jaake Bluetooth off kar dein.

Isse aap unwanted device connections se bachenge jo aapka audio disrupt kar sakte hain.

4. Use a Second Phone to Read Comments

Live show ke dauraan buyers aapko questions bhejenge. Unka jawab dena zaroori hai.

Humara suggestion hai ki aap ek second phone rakhein sirf chat padhne ke liye – taaki aap easily respond kar sakein bina camera hataye.

5. Choose a Quiet Place for Your Show

Bheed bhaad aur background noise se aapke customers distract ho sakte hai.

Try karein ki aap ek shaant aur indoor location choose karein jahan lighting aur sound control mein ho.

6. Check Your Internet Connection

Strong internet ka hona live selling ka sabse basic requirement hai. Live ke beech buffering ya disconnect hona customer ka interest bigaad sakta hai.

Live Show ke pehle apna Wi-Fi ya 5G connection test karna zaroori hai.

7️. Turn On ‘Do Not Disturb’ Mode

Jab aap live ho, koi call ya notification aaye toh poora flow kharab ho sakta hai.

Apne phone ka Do Not Disturb mode on kar dein taaki koi bhi notification aapke show ko interrupt na kare.

Agar aap chahte ho ki aapka Zoop Live Show smooth aur professional dikhe, toh yeh chhoti-chhoti baatein bahut farak laati hain. Chahe woh app update ho, mic check ho ya internet speed – sab kuch milke banata hai ek amazing buyer experience.

So, agla live karne se pehle yeh Zoop Live Show seller checklist zaroor follow karein — aur apna business grow karein bina kisi dikkat ke!